Doston aap sabhi ko mera namskar and aadab, main aap ke aage aapni pasandida ghazalon me se chand ghazalen pesh karne ki izazat chahta hua.
Aagaz karta hu mashoor shayar janab Mirza Ghalib saahab ke ek kalaam se

"Laazim tha ki dekho mera rasta koee din aur,
tanha gaye kyoN ? ab raho tanha koee din aur"
"Mit jaayega sar, gar tera patthar na ghisega,
hooN dar pe tere naasiyaa_farsa koee din aur"
"Aaye ho kal aur aaj hee kehte ho ki jaaooN, maana ki hamesha naheeN
achchaa, koee din aur"
"Jaate huve kahte ho, qayaamat ko milenge,
kya khoob ! qayaamat ka hai goya koee din aur"
HaaN 'ei falak-e-peer, javaaN tha abhee 'aarif',
kya tera bigaData jo na marta koee din aur"
"Tum maah-e-shab-e-char_dahum the; mere ghar ke,
phir kyoN na raha ghar ka woh naqsha koee din aur"
"Tum kaun se 'eise the; khare daad-o-sitad ke,
karta malak_ul_maut taqaaza koee din aur"
"Mujhse tumhaiN nafrat sahee, 'nayyar' se laDaayee,
bachhoN ka bhee dekha na tamaasha koee din aur"
"Guzree na baharhaal yah muddat KHushee-naaKHush karna tha,
javaaN_marg ! guzaara koee din aur"
"NaadaaN ho jo kehte ho ki kyoN jeete ho 'GHalib',
qismat meiN hai marne ki tamanna koee din aur" ?

Ghalib saahab ne kitni shiddat se kisi se juda hone ke dard (khas kar kisi aapne ki maut ka dard ) ko is ghazal me bayan kiya hai.
Ummeed karta hu ki aap ko ye ghazal pasand aai hogi, aap apni raay aur khyaal ka jaroor izhaar kare, shukriya.

NICE POETRY

nice poetry

BAHUT KHOOB...........NICE SHARING